Rumıniyanın paytaxtı Buxarestdə güləş üzrə Avropa çempionatı davam edir.

Jalə Əliyeva (57 kq) macarıstanlı Erika Boqnara 9:2 hesabıyla qalib gələrək 1/4 finala yüksəlsə də, ukraynalı Solomiya Vinnikə 5:12 hesabıyla məğlub olub.

Birgül Soltanova (62 kq) 1/8 finalda norveçli Avropa çempionu və dünya ikincisi Qreys Bullenə “tuş”la məğlub olub. Rəqib finala yüksəldiyi üçün təsəlliverici görüşdə iştirak hüququ qazanan həmyerlimiz təsəliverici görüşdə rumıniyalı Amina Kapezandan güclü olub – 6:0. Soltanova bürünc medal görüşdə rusiyalı Veranika İvanovaya 6:9 hesabıyla uduzub.

Elis Manolova (65 kq) yunanıstanlı Nikoleta Barmpa (5:0) və belaruslu Tatyana Pavlovanı (4:1) mübarizədən kənarlaşdıraraq adını yarımfinala yazdırıb. Finalın bir addımlığında ukraynalı İrina Koliadenkoya 0:11 hesabıyla məğlub olan Elis almaniyalı Anna Nuernberqerə 2:1 hesabıyla qalib gələrək Avropa çempionatının bürünc medalına sahib çıxıb.